Campionato de España de Ciclocross (Zamora)

O macedense Pablo Rodríguez como Campión de España Júnior
Hoxe poñíase punto final a tempada de Ciclocross e a proba para finalizar era o Campionato de España que se celebrou no Parque do Bosque de Valorio na cidade de Zamora.
Comenzaba a xornada coa categoría Cadete e a Selección Galega estaba formada polos "rosaleiros" Cristóbal Coimbra, Raúl Fernández e Antonio Portela e Angel Diz ( C. C.Spol), Marcos Villar (C. C. Maceda) e Javier González (C. C. Teis). A carreira para os nosos comenzaba condicionada xa que tanto Toni como Raúl e Cristóbal eran colocados de forma pouco comprensible nas derradeiras posicions da saída o que os obrigou a remontar durante toda a carreira non podendo pasar do 14º posto para Toni, 17º para Raúl e 34º para Cristóbal.
A parte positiva para a Selección Galega foi o subcampionato de Marcos Villar (C. C. Maceda) e o 4º posto de Angel Diz ( C. C.Spol), pola sua banda Javier González (C. C. Teis) finalizaba 20º.
En Júnior brillante vitória do galego Pablo Rodríguez (C. C. Maceda) que dominou a carreira de principio a fin e que chegou a meta cunha vantaxe de 1 minuto e 14 segundos sobre o segundo clasificado. O "noso" Manuel González sofría un inoportuno pinchazo na roda traseira que lle facía percorrer mais de medio circuito coa bicicleta pola man que o final se traducía na 42ª posición da clasificación.
Destacar que a Selección Galega sumando tódalas categorías foi capaz de acadar seis medallas ( unha de ouro, tres de prata e duas de bronce).
Fotos da carreira.

III TROFEO CASTELO DE MACEDA

Foto de Luz Iglésias (Cambre)
Hoxe celebrouse en Maceda (Ourense) a derradeira proba do Calendario Galego de Ciclocross nos arredores do Castelo desta Vila e os nosos desta volta mermados fisicamente por mor das gripes só poideron acadar un pódio con Toni Portela como o millor clasificado na categoría Cadete acadando o 3º posto, un chisco mais atrás clasificabanse Raúl 6º, Andrés 7º, Cristóbal 9º e Pablo 10º.
En Júnior o noso representante era Alex Lomba que acadaba o 12º posto.
Para pechar definitivamente a tempada de Ciclocross temos que agardar até o vindeiro domingo 9 de xaneiro en Villaralbo (Zamora) donde se van disputar os Campionatos de España da especialidade. Destacamos que a Selección Galega Cadete está composta por seis integrantes e destes o 50% serán corredores do Clube Ciclista O Rosal e non son outros que Toni (Campión Galego), Raúl (3º no mesmo campionato) e Cristóbal que se clasificara 6º.
En Júnior o seleccionado é Manuel González.
Desexámoslles moita sorte xa que parten como favoritos e teñen boas posibilidades de acadar o éxito.
Galería de Luz Iglésias.