Pedalea con nos

Si te gusta o ciclismo e queres formar parte dun equipo federado que participa en probas de toda Galicia e partes de España e Portugal e tes entre 6 e 17 anos, esta e a tua oportunidade, chama xá o 680 993 050 ou escrebe a ccorosal@gmail.com

sábado, 31 de diciembre de 2011

Peche da tempada galega con tres novos Pódios






Os corredores do Club Ciclista O Rosal pechan a tempada do calendario galego de Ciclocróss cun dominio aplastante e absoluto sobre os seus rivais e desta volta foi nos arredores do Castelo de Maceda (Ourense) traendo para O Rosal duas novas vitórias e un terceiro posto.
O primeiro en subir o “caixón” non foi outro que Raúl que despois de gañar todas todas as probas galegas e proclamarse Campión de Galicia, hoxe despedíase con outra vitória desmostrando así o seu dominio na categoría Cadete. E como é de costume Raúl saíu xa na cabeza da carreira para non abandonala xa até o final e adxudicarse a vitória cunha grande vantaxe mentres que Andrés que facía unha gran carreira de menos a máis acadaba o 6º posto o contrario do seu compañeiro Cristóbal que foi de máis a menos para terminar 11º.
En Júnior de novo vitória para Manuel que desta volta tiña que loitar máis do habitual xa que  nos primeiros compases da carreira marchábase en cabeza na compaña de Daniel López (C.C.Cambre) que non deixaba que se fose en solitario pero chegada a derradeira volta o circuito Manuel poñía “toda a carne no asador” e collía unha vantaxe para chegar a Meta cunha cómoda vantaxe e facerse desta maneira coa vitória. Outro que fixo unha das mellores carreiras da tempada foi Toni Portela  que quería por tódolos medios axudar o seu compañeiro Alex a subir o Pódio e tiña que baixar até o sexto posto para acompañalo e así durante varias voltas pero decatándose de que a “misión” non ía chegar a bon porto, a falta de tres voltas para o final e vendo que un posto no Pódio se escapaba, decidia atacar e nunha mostra de poderío físico foi recurtando a desvantaxe para nun apasionante final acadar ese merecidísimo terceiro posto mentres que Alex que tamén realizóu unha gran carreira terminaría sexto.
Terminada a tempada galega e en recoñacimento o estado de forma demostrado néste períplo por terras galegas, o premio foi a convocatória que o selecionador galego Moisés Leboso fixo para os Campionatos de España a disputarse en Gandía os días 6, 7 e 8 de xaneiro donde incluíu como non podía ser doutra maneira a Raúl Fernández (Cadete) e a Manu González e Toni Portela (Junior) para que representen a Galicia en terras valencianas.
Desexámoslles o millor nesta nova “aventura” que porá o punto final a tempada de Ciclocróss.

sábado, 24 de diciembre de 2011

Dominio total nos Campionatos de Galicia de Ciclocróss

As "apisonadoras" do Club Ciclista O Rosal paséanse pola Capital de Galicia e voltan a deixar o nome do noso Club no máis alto do "panorama galego" e desta volta era na competición máis importante da Comunidade Autónoma como son os Campionatos de Galicia.
Comenzóu a competición como e de costume coa categoría Cadete con Cristóbal e Andrés nos primeiros postos e Raúl moi retrasado por sair no medio do pelotón pero xá mediada a primeira volta das catro que constaba a carreira, Raúl nunha gran remontada xa se situaba no segundo posto para de seguido lanzar o seu poderoso ataque ante o que os seus riváis se atopaban impotentes para poder seguilo. Mentres todo isto acontecía Cristóbal iba perdendo contacto coas primeiras posicións mentres que a fortuna lle daba as costas a Andrés en forma de problemas co cambio o que o obrigaba o abandono. E con todo isto Raúl non se detiña no seu empeño e iba aumentando a sua vantaxe con cada pedalada para cruzar a liña de meta cunha vantaxe de 55 segundos sobre o seu máis inmediato perseguidor e desta maneira proclamarse Campión de Galicia. En canto a Cristóbal, despois dun grande esforzo chegaba a meta no 10º posto.
Xa a media mañán era o turno da categoría Júnior e o recital comenzaba nos primeiros metros pois Alex, Toni e Manuel marchaban nos tres primeiros postos o que facía presaxiar que o título podería vir para O Rosal e os nosos ciclistas queríannos demostrar que iso iba ser así  pois mentres que Alex cedía algúns postos, os seus compañeiros Manu e Toni sumaban as suas forzas para desfacerse de Daniel López (C.C.Cambre) que marchaba segundo e desta maneira marcharse os dous alternándose no primeiro posto e aumentar a vantaxe con respecto os seus perseguidores que non eran quien de nin siquiera manter as distancias xa que éstas iban aumentando conforme pasaban as voltas. E con éste decorrer da carreira, o final xa estaba escrito e so faltaba saber quen sería o Campión e o delírio apoderábase dos seguidores rosaleiros e do público en xeral que recoñecía a xesta dos nosos ciclistas nesta carreira que se decantaría do lado de Manuel que entraba con vantaxe por diante de Toni mentres que Alex terminaba a gran actuación co 6º posto 
PARABÉNS OS HEROES: RAÚL CAMPIÓN, MANU CAMPIÓN, TONI SUBCAMPIÓN, ALEX 6º, CRISTÓBAL 10º E ANDRÉS.

A directiva do Club Ciclista O Rosal Saúda e desexa Moi Boas Festas a tódolos seus Integrantes, Sócios, Aficcionados, Simpatizantes, Firmas Colaboradoras e toda a xente que nos segue día a día e nos presta o seu indispensable apoio.
Fotos da carreira.

domingo, 18 de diciembre de 2011

35º Trofeo Vila de Porriño de Ciclocróss

Os integrantes do Club Ciclista O Rosal voltan a dominar noutra proba do calendario galego, desta vez no 35º Trofeo Vila de Porriño organizado polo C. C. Spol que nunha mañán moi fría pola temperatura que roldaba os 0º grados e donde unha persistente néboa que en toda a mañán impediu que lucira sol, os nosos integrantes voltaban a triunfar.
Comenzaban a loita os Cadetes donde o gran dominador da tempada, o "noso" Raúl arrancaba xa nos primeiros compases da carreira para situarse na cabeza sendo preseguido por Alberto Martíns(C.C.Rias Baixas) e por Cristian Mota (C.C.Ponteareas)  e cos que durante toda a carreira se alternarían no liderato con Andrés situado na 5ª posición e Cristóbal un chisquiño máis descolgado. E sería na derradeira volta o circuito cuando Raúl lanzaría un "demoledor ataque" para deixar descolgados os seus riváis e desta maneira facerse co primeiro posto deste prestixioso Trofeo. En canto os seus compañeiros o loitador Andrés baixaría ata a 7º posición final mentres que Cristóbal finalizaba 11º.
De excepcinal podemos calificar a carreira dos Juniors que voltaron a dominar o seu antoxo xa dende a saída na que Manuel González saía en cabeza destacándose dos seus rivais, con Alex Lomba na 5ª posición e Toni Portela alá pola 14ª moi descolgado por mor dunha mala saída. Pero xá na 2ª volta Toni situábase 2º despóis dunha gran remontada para un par de voltas máis tarde dar alcance o seu compañeiro Manuel co que se foi alternando en cabeza durante o resto da carreira e con Alex loitando un pouco máis atrás. Pero non sería ata os derradeiros metros que se decidiría a vitória que desta volta caía do lado de Manuel mentres que Toni acadaba o 2º posto e Alex un traballado 8º.
Agora toca esperar o vindeiro sábado no que nos desprazaremos a Santiago de Compostela para disputar os Campionatos de Galicia da especialidade donde os integrantes do Club Ciclista O Rosal parten como favoritos ainda que haberá que esperar o final para ver se algún dos títulos ven para O Rosal.
Fotos da carreira

lunes, 12 de diciembre de 2011

Copas de España e de Portugal de Ciclocross


Doble xornada de Ciclocross para os nosos Cadetes e Juniores en Alcobendas (Madrid) e Mirandela-Bragança (Portugal).
Raúl, Alex, Manuel e Toni que ainda se atopaban por terras madrileñas, acudían a Alcobendas para tomar parte na carreira que era puntuable para a Copa de España.
En Cadetes era Raúl o que nos representaba e acababa a carreira no 11º posto por mor dunha caída que o retrasaba varias posicións.
En Júnior o mellor era Toni Portela que acadaba un brillante 5º posto o que seguía Manuel González no 7º que sofría unha avería mecánica que tamén o retrasaba vários postos e pola súa parte Alex Lomba non coseguía acabar a carreira.
O mesmo tempo que éstes corrian en Alcobendas, Andrés e Cristóbal participaban en Mirandela, proba puntuable para a Taça (Copa) de Portugal donde un pletórico Andrés subía o Pódio o facerse co 2º posto. Pola súa parte Cristóbal que padecía problemas físicos terminaba no 6º posto
Fotos de Alcobendas
Fotos de Mirandela


sábado, 10 de diciembre de 2011

¡¡¡¡En Madrid tamén se fala "rosaleiro"!!!!!!!!!



As duas da madrugada partían vía carretera catro Ciclistas, un Director Deportivo e un Directivo do Club Ciclista O Rosal cara a terras da capital de España para as nove da mañán competir no III Gran Premio de Ciclocross de El Escorial valedeiro para a Copa da Comunidade de Madrid.
O madrugón e a chea de kilómetros que se pegaron tiveron a sua recompensa en forma doutras dus vitórias para os nosos integrantes.
Raúl Fernández era o primeiro en competir e despóis dunha carreira maxistral, impoñíase na meta demostrando que ésta tempada está pletórico de forma física e mental como demostrou alá polos "madriles" facéndose coa vitória.
Outro que non deixou escapar a oportunidade foi o Junior Manuel González que tamén dominaba a categoría e vencía cun dominio absoluto e arrollador os seus riváis. Destacaron tamén os seus compañeiros Toni Portela e Alex Lomba que acadaron os postos 5º e 8º respectivamente.
Ésta noite pernoctarán en Alcobendas donde nesa localidade, mañán participarán na derradeira proba da Copa de España.
Pola súa parte os cadetes Andrés e Cristóbal asistirán a Bragança (Portugal) para participar na carreira da Taça de Portugal que se disputa na localidade de Mirandela.
Fotos de José Carlos Fernández

jueves, 8 de diciembre de 2011

35º Trofeo Ciclocross Horacio Barros

Como xa podemos ver nesta foto, os integrantes do Club Ciclista O Rosal continúan a dominar na modalidade de Ciclocross Cadete e Júnior tanto en Galicia como en Portugal e na mañán de hoxe era en Porriño co gallo da disputa do  35º Trofeo Horacio Barros.
En Cadetes Raúl repetía o posto acadado fai dous días en Boiro. Comenzou a carreira con Raúl que se situaba en postos de cabeza en loita con Alberto Martins (C.C. Rias Baixas) mantendo ambos un man a man durante as duas primeiras voltas pero a partir de ahí  Raúl íbase do seu rival e conforme iban pasando as voltas, aumentaba a sua vantaxe chegando destacado a meta no primeiro lugar. Boa carreira tamén a disputada por Andrés e Cristóbal que se facían cos postos 8º e 9º respectivamente.
En Júnior Toni e Manuel voltaban a ocupar os dous peldaños mais altos do "caixón". O inicio da carreira xa deixaba moi claro que a vitória ia vir para O Rosal e solo faltaba dilucidar quien dos dous se levaría "o gato a auga". Xa na primeira volta tanto Manuel como Toni deixaban atrás os seus rivais cunha certa vantaxe para os dous xuntos liderar a carreira cunha certa comodidade con Alex pelexando nos postos intermedios para logo Manuel coller varios metros por diante Toni, pero éste conseguía enxugar esa diferenza e adiantaba o seu compañeiro polo que o final a vitória se decantaba do lado de Toni  con Manuel segundo co que demostraban que traballando en conxunto os esforzos sempre teñen o seu prémio. O final Alex cedía algo de terreo e cruzaba a liña de meta no 12º posto.
Fotos da carreira

martes, 6 de diciembre de 2011

24º Trofeo Concello de Boiro de Ciclocross


Si fai dos días a exhibición era en terras portuguesas, desta volta era en terras do Barbanza donde se celebraba a primeira proba do calendario galego co 24º Trofeo Concello de Boiro de Ciclocross.
Comenzaron os Cadetes donde desta volta Raúl Fernández tirou de forza física para dinde o primeiro momento situarse na cabeza da carreira para logo tirar de forza mental para controlar a carreira e non abandonar a primeira posición e desta maneira adxudicarse ésta merecida e traballada vitória. Os que tamén brillaban eran Cristóbal e Andrés que remataban a carreira nos postos 8º e 9º respectivamente.
En Júnior novo paseo triunfal para Manuel González que dende os primeiros compases da carreira se situou na primeira posición para non abandonala  ata que cruzou a liña de meta traendo para O Rosal o 24º Trofeo de Boiro. Toni Portela exercía de escudeiro e facíase co non menos importante 2º posto. Alex Lomba que sofreu unha avaría mecánica terminaba no 7º posto.
O vindeiro xoves día 8 dispútase o 35º Trofeo Horacio Barros na porriñesa localidade de Mosende.

lunes, 5 de diciembre de 2011

Nova exibición na Copa de Portugal


Os integrantes do Club Ciclista O Rosal voltaron a deixar o nome do noso Club no mais alto o acadar catro pódios en Agueda donde se disputóu onte a segunda proba da Copa de Portugal.

Comenzaron os Cadetes e de novo Raúl voltaba a pelexar por unha vitória que se lle escapaba por moi pouco e que o final se tería que conformar co segundo posto. Cristóbal voltou a brillar por méritos propios e acadaba ese fantastico terceiro posto.Pola súa banda Andrés finalizaba na 5ª posición
En Júnior de novo Manuel González voltaba a demostrar quien e o máis forte e gañaba a carreira  de maneira incontestable e desta volta por diante do seu compañeiro de equipo Toni Portela que ven demostrando a súa adaptación a categoría e facíase co segundo posto do "caixón".Alex Lomba voltaba a finalizar 8º.
Despois destas duas probas da Taça de Portugal Raúl marcha segundo, Cristóbal 5º e Andrés 6º na clasificación de Cadetes e en Juniores Manuel segue como líder destacado con Toni no 4º posto e Alex no 11º.
Mañán día 6 o desprazamento será a terras do Barbanza concretamente a Boiro donde se participará na primeira proba do Calendario Galego para no xoves día 8 paticipar en Porriño.
Fotos de José Carlos Fernández

lunes, 28 de noviembre de 2011

Ciclocross de La Morgal (Asturias)


Outra fructífera xornada para os integrantes do Club Ciclista O Rosal no día de onte, desta vez o desprazamento foi de novo a terras asturianas, concretamente na localidade de La Morgal e os nosos ciclistas voltaron a desmostrar que vaian donde vaian, sempre loitan polos primeiros postos.
En Cadetes de novo Raúl voltaba a demostrar que está moi en forma e para que o seleccionador galego se fixe en él de cara os Campionatos de España a disputarse no vindeiro mes de xaneiro en Gandía , loita sempre polos primeiros postos e desta vez foi co segundo posto acadado. Un sorprendente Cristóbal acadaba un traballadísimo 8º posto.
En Júnior de novo Manuel e Toni voltaban a brillar cos 2º e 3º postos respectivamente acadados e que tamén estan a sumar méritos para acudir a Gandía. Alex Lomba quedaba un pouco mais descolgado e terminaba nun espléndido 7º posto.
Fotos de José Carlos Fernández

domingo, 20 de noviembre de 2011

COPA DE PORTUGAL EN SOBRADO (VALONGO)


Vitória de Manuel e segundo posto de Raúl na Copa de Portugal de Ciclocross disputada ésta mañán en Sobrado (Valongo).
Tempo espléndido para a práctica do Ciclocross donde comenzaron os Cadetes e Raúl situabase na cabeza da carreira durante duas voltas para logo ser superado por Ivan Conde (C.C. Maceda) e pasar a unha marcaxe sempre a moi curta distancia o que facía que a carreira non se decidise ata os intres finais donde a Raúl se lle escapaba a vitória por uns escasos cinco metros e acadando desta maneira o 2º posto.
En Junior asistíamos a un monólogo de Manuel González xa que nos deleitaba cun auténtico recital durante toda a carreira situandose na cabeza da mesma dende o pitido de saída ata o final, dominando e controlando os seus riváis con moita cabeza fría que lle valía para facerse coa vitória por diante do Campión Portugués.
Toni Portela acababa 8º e Alex Lomba 9º.
Fotos da carreira 

domingo, 13 de noviembre de 2011

VIII MEMORIAL ANDRES MENDEZ EN NAVIA


Segunda xornada  don nosos ciclistas por terras asturianas, concretamente na vila de Navia para disputar o VIII MEMORIAL ANDRES MENDEZ e donde salvo Manuel González , todos milloraron os resultados acadados no día de onte.
Comenzaron os cadetes e de novo gran carreira de Raúl que milloraba un posto con respeito a onte en Xixón acadando o 9º posto.
En Junior o primeiro "rosaleiro" era de novo Manuel que baixaba dos postos para acabar 8º, Toni Portela tamén milloraba un posto para acabar 12º. Outro que tamén milloraba outro posto era Alex Lomba que terminaba 28º.
Moi bos estes resultados acadados polos integrantes do Club Ciclista O Rosal tendo en conta que se medían os millores ciclistas de España xa que ésta proba tamén era puntuable para a Copa de España.
Fotos de José Carlos Fernández

sábado, 12 de noviembre de 2011

III TROFEO VILLA DE GIJÓN DE CICLOCROSS


As tres e media da madrugada de hoxe partían cara a Xixón (Asturias) para participar no III TROFEO VILLA DE GIJÓN DE CICLOCROSS puntuable para a Copa de España da especialidade o cadete Raúl Fernández, os junior Alex Lomba, Manuel González e Antonio Portela os que acompañaban o Director Deportivo José María Alvarez e mailo directivo do Clube José Carlos Fernández.
As 12:30 horas comenzaban os cadetes e Raúl como sempre dando todo o que leveba dentro, acadaba un interesantísimo 10º posto na clasificación final.
Máis tarde eran os Junior os que tomaban a saída donde un combativo Manuel demostraba o seu alto nivel acadando o 6º posto. O seu compañeiro Toni Portela que se está aclimatando a unha categoría nova para él acadaba un estupendo 13º. Gran carreira tamén a realizada por Alex que o final terminaría no 29º lugar da clasificación.
Unha vez terminada a carreira collían ruta cara a Navia donde pernoctarán para mañán de mañán participar no VIII MEMORIAL ANDRÉS MÉNDEZ puntuable tamén para a Copa de España.
Fotos de José Carlos Fernández 

domingo, 6 de noviembre de 2011

III Marcha BTT Serra da Grova

O Club Ciclista Guardés en colaboración cos Concellos de A Guarda, O Rosal, Oia e do Club Ciclista O Rosal, organizou a III Marcha BTT Serra da Grova nesta mañán espléndida para a práctica do ciclismo cunha lista de inscritos que superaba a cifra de douscentos participantes.
O circuito que constaba de máis de 30 kilómetros, partía da Sangriña  (A Guarda) para encarar a durísima subida o Torroso pasando logo polo Alto da Cruz da Portela (O Rosal) e dende alí cara a San Martiño e Muiños do Folón (O Rosal) para encarar a subida a Santa Comba (Oia) para máis adiante comenzar a espectacular baixada cara Acevedo (Oia). Dende alí xa co terreo máis plano a ruta continuaba cara o Muiño das Aceñas (O Rosal) donde estaba situado o "abituallamento" para continuar logo pola veira do Río Miño e rematar a proba de novo na Sangriña.
Fotos da marcha.

domingo, 9 de octubre de 2011

Início da tempada de Ciclocross cun pódio

Esta mañá daba comenzo a tempada 2011-2012 de Ciclocross na cidade de Valladolid e si fai unha semana cando despedíamos a tempada de carretera decíamos que os nosos ciclistas darían que falar neste novo ciclo do Ciclocross, hoxe demostraronnos que non nos faltaban motivos para tal afirmación xa que nesta primeira carreira os rapaces do Club Ciclista O Rosal rodaron a un grande nivel cun segundo posto, un cuarto, un quinto, un décimo e un decimoprimeiro.
Comenzaba acategoría Cadete na que nos representaba Raúl Fernández e que demostraba o seu espléndido estado de forma rozando o pódio con ese traballadísimo 4º posto.
Continuaba a categoría Junior donde Manuel González nos demostraba que éste debe ser o seu ano con éste fantástico 2º posto que esperamos sexan moitos máis. Primeira carreira como Junior para Toni Portela que acadaba un ilusionante 5º posto. Destacar tamén os non menos importantes 10º e 11º de Ivan Morais e Alex Lomba. Ademais tamén acadaron o 1º posto por equipos Junior.

Agora si non se calendan outras carreiras os nosos ciclistas disfrutarán dun merecido mes de "descanso" ata a vindeira carreira a disputar en Rois.
Fotos da carreira.

domingo, 2 de octubre de 2011

Fin de tempada con vitória de Raúl

Ésta fin de semana comenzaba a competición coa carreira nocturna do venres no 34º CRITERIUM FESTAS DO CRISTO DO PORRIÑO-JUNIORS na que o noso representante era Alex Lomba que acadaba o 15º posto para logo no dia seguinte logo de mañán coller camiño rumbo a Lugo donde a partires das catro e media da tarde se disputaba o GRAN PREMIO SAN FROILÁN que poñía fin a tempada 2011 de carretera para todas as categorías e que como é costume comenzaba pola categoría Benxamín donde os nosos representantes non acadaron os éxitos os que nos teñen acustumados. O millor clasificado era Yasir no posto 7º a quen hay que reconocerlle os seus excelentes resultados xa que ésta era a súa primeira tempada. Iago Alvarez que èsta tempada participou en poucas probas por terse adicado máis a modalidade de MiniBTT acadaba un meritório 11º posto; Irea demostraba a súa progresión co 18º posto.E para finalizar o grande dominador da categoría Mario Fernández despedíase da mesma (a vindeira tempada pasa a categoría Alevín) co 28º posto por mor dun erro na Ximcana.
En Infantís era Xoel Villa o encarregado de defender as cores do C.C. O Rosal  que contra o fin da carreira era baixado da mesma por quedar moi descolgado da cabeza.
Chegaba despóis a categoría Cadete que nas primeiras voltas o circuito de 1.050 metros Adrián Vicente  lanzaba un par de ataques que lle durarían un par de voltas para logo ser neutralizado polo pelotón. Sería logo António Portela quen o tentaría pero pola súa condición de Campión de España, era sometido a unha estreita marcaxe por parte dos seus rivais e desistía para pasar a unha labor gregario de equipo para que o seu compañeiro Raúl Fernández moi ben situado durante toda a carreira, demarrara nos derradeiros cincocentos metros e collía por sorpresa os seus rivais o cal lle permitía acadar a vitória e estrearse  no primeiro posto do Pódio da categoría Cadete. Moi regular Adrián Vicente que terminaba 10º; Andres 21º, Toni 22º, Pablo 36º e Cristóbal 42º pechaban a clasificación.
E para rematar era de novo Alex Lomba quen nos representaba na categoría Junior que despois de tentar de irse par de veces do pelotón, tiña que conformarse co 15º posto final.
En breve comeza a nova tempada de Ciclocross na que seguramente os integrantes do Club Ciclista O Rosal voltarán a dar que falar.
Fotos da carreira.

sábado, 24 de septiembre de 2011

Vitórias de Mario e Toni con exibición incluída

 Esta tarde disputóuse na localidade de Ponteareas o Trofeo Festas de Setembro con novas vitórias para os nosos ciclistas.
Comenzaba a competición a categoría Benxamín e Mario voltaba a demostrar que él e o gran dominador nesta tempada o facerse de novo coa vitória que xa se lle resistía dende fai cinco carreiras.Moi ben tamén Yasir que estaria no terceiro peldaño do "caixón" de non ser por un erro que o levou 9º posto o mesmo que David quien tamén cun erro terminaba 12º e Irea que desta volta cometía tres erros que a levaban a 24ª posición na clasificación.
Os Infantís Xoel i Ero eran baixados da carreira polos xuíces árbitros o acumular unha considerable desventaxa con respeito da cabeza da carreira.
Para finalizar a competición quedaba a categoría Cadete a cual nos tiña raservado un recital de Toni Portela que nos deleitaría cunha carreira soberbia demostrandolle o público asistente o por qué e que luce as cores da bandeira española que o distingue como Campión de España. Comenzou a carreira cun ataque de Andrés que logo sería sofocado e o que seguíu outro de Adrián Vicente para logo pasar a carreira a un contínuo goteo de ataques de uns e outros sempre abortados polos nosos ciclistas. Chegada a oitava volta das trinta que constaba a proba Toni decidía saltar do pelotón cun forte e contínuo ritmo que o levaba a acadar unha vantaxe de 4 a 5 segundos por volta sobre os seus mais inmediatos perseguidores. Con ese ritmo tan forte na volta 20 Toni permitíase o luxo de dobrar o pelotón no que iba o terceiro clasificado e a partir dese momento baixar un chisquiño o seu pedaleo o que lle impediu o non dobrar tamén o segundo clasificado por tan só 12 segundos.Cando Toni entraba na liña de meta coas mans levantadas o público recibíao case que incrédulo e apludindo a "rabiar" rendíndose ante a súa xesta. Raúl e Adrian Vicente realizaban tamén unha gran carreira e terminaban 10º e 18º respectivamente. Andrés, Cristóbal e Pablo eran baixados da carreira o quedaren descolgados do pelotón.  
Por outro lado Iago Alvarez, Elsa e Claudia Portela participaban no I Trofeo Nosa Terra de MiniBTT en Mos con Iago clasificado no 17º posto de Principiantes e en Infantíl Feminina destacar o 3º posto de Elsa que lle permitía subir o "caixón". Claudia terminaría 4ª

sábado, 17 de septiembre de 2011

Pódios para Antonio Portela e Mario Fernández

No 34º Trofeo Festas do Cristo en Porriño Mario voltaba o pódio e desta vez era no 3º posto o non poder facerse coa vitória. Moi boa a actuación dos seus compañeiros que con David Rodrígez no 7º posto, Irea Villa no 9º e Yasir Martínez no 15º completaban a clasificación da categoría Benxamín.
En Alevíns Manuel Dorna terminaba 12º e en Infantís Zaida González era 24ª. Ero Sobrino e Xoel Villa non conseguían acabar a carreira.
Por outro lado os Cadetes e Júnior desprazábanse ate a vila lusa de Vila Nova de Famalicao para disputar o 5º Circuito Terras de Camilo donde Toni Portela acadaba un merecidísimo 2º posto nun apretado esprint final e un impresionante Raúl Fernández que terminaba 7º e Cristóbal Coimbra 40º e Andrés Fernández 45º pechaban a participación dos nosos Cadetes.
En Júnior Manuel González terminaba nun meritório 12º posto, Alex Lomba 32º e Ivan Morais 33ºcompletaban a carreira.
Fotos de Porriño
Fotos de Famalicao por xentileza de Manuel Coimbra
Fotos de Famalicao xentileza de José Carlos Fernández

domingo, 11 de septiembre de 2011

Triple desplazamento para o C.C. O Rosal

Na mañán de onte os Cadetes Antonio Portela, Raúl Fernández e Adrian Vicente iniciaban a viaxe ate a localidade portuguesa de Montemor o Velho en Figueira da Foz donde se celebra nesta fin de semana o IV Trofeo Internacional  Alves Barbosa.
Fotos ALVES BARBOSA.
Pola súa parte os Junior viaxaron pola tarde até Ribadeo para a disputa do XXIX Circuito Urbano Ribadense donde Alex Lomba se clasificaba no 9º posto, Manuel Lomba no 12º e Ivan Morais no 14º.
Xa na mañán de hoxe as categorías de escolas e os cadetes que non viaxaran a Portugal, participaban no XIX Trofeo Virxe do Porto en Marín donde na categoría Benxamín o gran favorito e dominador da mesma Mario Fernández cometía un erro que lle custaba acabar no 9º posto pero non hay nada que temer xa que os seus compañeiros demostraron que tamen están ahí para tomar o relevo e subir o Pódio donde Yasir Martínez escalaba até o 2º posto do caixón e a piques etivo de subir o terceiro o seu compañeiro David Rodríguez que o fin tiña que conformarse cun estupendo 4º posto e levandose o seu primeiro trofeo o quedar entre os cinco primeiros. Irea Villa sería 15ª e Alberto García 23º.
En Alevíns Manuel Dorna terminaba 9º e en Infantís o millor clasificado era Xoel Villa no 25º seguido de Ero Sobrino no27º, Claudia Portela 32ª i Elsa Portela 33ª.
En Cadetes Cristóbal Coimbra, Adrián Dorna e Pablo Cividanes non remataban a carreira.
Fotos de Marín.

miércoles, 7 de septiembre de 2011

Antonio Portela proclamase Campión de Galicia CRI


Novo título para Toni Portela e para o Club Ciclista O Rosal.
Desta volta era no Campionato de Galicia Contra Reloxo Individual disputado na tarde de onte na localidade lucense de Sober sobre unha distancia de 5 km. na que Toni invertía un tempo de 8'15'' 12 a unha media de 36,36 km/h e distanciando o segundo clasificado nunha comoda diferencia de 19''. Por outro lado cabe destacar a actuación dos seus compañeiros de equipo que gracias a labor de todos o C.C. O Rosal tamén acadou o 1º posto por equipos con Adrian Vicente no 16º, Raúl Fernández 17º, Andrés Fernández 32º, Pablo Cividanes 33º, Cristóbal Coimbra 43º e Adrián Dorna 45º.
En Junior as clasificacións foron mais discretas con Manuel González no posto 20º, Ivan Morais 34º e Alex Lomba 37º.
Felicidades para todos eles e felicitar tamén dende aquí os ex-ciclistas do C.C. O Rosal Aser Estevez (Supermercados Froiz) que se proclamou dobre Campión de Galicia nas modalidades de Fondo e Contra Reloxo Individual en categoría Elite e Jonathan Sousa que acariciou o pódio nas duas modalidades de Sub-23 o acabar 4º en ambalasduas.
Fotos.
Galería de Cristóbal Coimbra.
Clasificacións.

domingo, 4 de septiembre de 2011

48º G.P. MILAGROSA (LUGO)



Viaxe de longo percorrido na tarde de onte concretamente a Cidade da Muralla Patrimonio da Umanidade (Lugo) donde se disputaba o 48º G.P. Milagrosa e donde os nosos ciclistas acadaron dous novos pódios .
Un destes pódios era para Mario que na categoría Benxamín acadaba o 3º posto e a súa compañeira de equipo Irea Villa sofría unnha caída que a relegaba a 10ª posición. A mesma sorte acontecía co seu irmán Xoel Villa que cando tan só tiña percorrido media volta das quince que constaba a carreira, era o que se daba co corpo no asfalto e remataba 31º na clasificación Infantíl.
En Cadete chegaba o outro pódio co 2º posto do Campión de España Toni Portela que pola súa condición de campión , está sofrendo unha marcaxe contínua por parte dos seus rivais da que él se defende con valentía e coraxe. Moi boa carreira de Raúl que terminaba no 8º posto, Adrián Vicente no 38º, Adrián Dorna 53º e Cristóbal 55º.
Cerraban a competición a categoría Júnior donde os nosos acadaban potos destacados, concretamente o oitavo e decimoprimeiro de Manuel González e Ivan Morais respectivamente.
Por outro lado Iago Alvarez viaxaba a terras coruñesas para a disputa do XI G.P. Concello de Cambre de MiniBTT no que na segunda manga tamén sofría outra caída que o relegaba o 20º posto da categoría Principiantes.
Fotos da carreira.

domingo, 28 de agosto de 2011

XVI Trofeo Festas de Vigo


Na tarde de onte sábado o Club Ciclista Meixoeiro organizaba o XVI Trofeo Festas de Vigo nos arredores do IFEVI en Cotogrande para as categorías de Benxamín, Alevín e Infantil.
Nos Benxamíns novo pódio para Mario, desta volta no segundo peldaño. Excelente resultado tamén para Yasir que rozou o caixon o quedar cuarto. Irea terminaba 20ª, David 22º e Alberto 28º.
En Alevíns Manuel Dorna finalizaba 8º e en Infantís Zaida acababa 29ª.
Por outro lado o mesmo sabado pero pola mañán as irmáns Rodríguez Portela disputaban o 8º Mini BTT Concello de Nigrán nos arredores do monumento de Monteferro e Claudia voltaba a subir o pódio co 3º posto acadado seguida pola súa irman Elsa que era 4º na categotía Infantil Feminina.
Fotos de Cotogrande.

sábado, 20 de agosto de 2011

12º Trofeo Vila de Luou (Teo)



12º Trofeo Vila de Luou disputado no coruñés Concello de Teo no que o posto mais destacado foi o terceiro de Antonio Portela.
Comenzaba a competición coa categoría de Alevíns na que Manuel Dorna acadaba o 5º posto.
En Infantís tanto Ero Sobrino como Xoel Villa eran baixados da carreira o quedar descolgados da cabeza, o mesmo que lle acontecía os Cadetes Pablo Cividanes, Adrián Dorna, Adrián Vicente, Cristóbal Coimbra e Raúl Fernández e donde como decíamos o principio, Toni Portela subía o Pódio con ese terceiro posto da xeral, terceiro nas metas volantes, terceiro no prémio da montaña e terceiro no sprint especial.
En Benxamíns Iago Alvarez era 18º, Irea Villa 19ª e Mário Fernández 25º.
Fotos.

lunes, 15 de agosto de 2011

36º Circuito de Santa Marta de Portuzêlo (Viana do Castelo)



Saída internacional no día de hoxe, concretamente o 36º Circuito de Santa Marta de Portuzêlo en Viana do Castelo (Portugal) donde eramos recibidos polos integrantes do equipo local e organizador da proba (C.C. Tensai) e que unha vez mais nos daban mostras da súa hospitalidade.
O C.C. O Rosal acudía a ésta proba con só oito ciclistas e desta volta quien destacaba era Irea Villa que na proba de Ximcana subía o Pódio no 3º posto de Féminas e que facía 4ª na Xeral (masculino e feminino). Na mesma categoría Iago Alvarez era 10º.
En Infantís era Xoel Villa quien nos representaba e desta volta a desgraza cebóuse en él xa que a falta de tan só trescentos metros para a liña de meta e cando marchaba en terceira posición con serias opcións de loitar pola vitória, tocábase cun dos compañeiros de escapada e sofría unha caida que o relegaba o posto 17º na chegada.
En Cadetes a vitória decidíase nun apretado sprint no que se atopaba involucrado Toni Portela que o final acadaba o 6º posto. Adrián Vicente era o outro representante rosaleiro e terminaba 55º.
Cerraban ésta proba os Júnior na que Manuel González colleitaba o 23º posto, Alex Lomba o 32º e Iván Morais o 35º.
Fotos.

sábado, 13 de agosto de 2011

43º G.P. do Albariño (Cambados)

Hoxe pola tarde tocaba competir en Cambados, concretamente no 43º G.P. do Albariño e por unhas causas ou por outras hoxe os nosos ciclistas viñeron para O Rosal coas mans vacías.
Nos Benxamíns o gran dominador da tempada que non é outro que o rosaleiro Mario Fernández, cometía un erro na ximcana que lle custaba un mais que seguro triunfo polo que tiña que consolarse co 6º posto. Irea Villa sería 12ª, David Rodríguez 13º, Iago Alvarez 24º e Alberto García 26º.
Polo que atinxe a categoría Alevín, Manuel Dorna era 9º e na de Infantís Xoel Villa facía 26º, Ero Sobrino 33º e Zaida González 34ª.
En Cadetes a desgracia cebábase desta volta co Campión de España Toni Portela que na derradeira volta das quince de que constaba a carreira e cando se dispoñía a disputar o sprint final, unha inoportuna rotura de cadea (o xoves acontecíalle o mesmo a Manuel González) impedíalle a loita pola vitória.
Moi boa a evolución que está a demostrar ésta tempada Adrián Vicente que realizaba unha excelente carreira con algunha tentativa de fuga e situado sempre nas primeiras posicións para finalmente acadar un estupendo 5º posto. Os demais compañeiros de equipo clasificabanse así: Andrés Fernández 15º, Pablo Cividanes 28º, Cristóbal Coimbra 30º e Adrián Dorna 35º. Raúl Fernández non participaba por estar mancado.
En Júnior moi interesante tamén a carreira disputada por Alex Lomba que o igual que Adrián tamén estivo sempre nos postos de cabeza e nalgunha escapada para o final clasificarse no posto 11º. Manuel González terminaba dous postos máis retrasado, concretamente no 13º, Iván Morais no 16º e Kevin Rodríguez no 25º completaban a participación rosaleira.
Fotos da carreira.

viernes, 12 de agosto de 2011

XXV Trofeo Festas do Monte


Novas vitórias dos nosos ciclistas no XXV Trofeo Festas do Monte celebrado na tarde de onte no circuito urbán da Sangriña (A Guarda).
Mario Fernández voltaba a darnos outra alegría co 1º posto acadado na categoría Benxamín. Nesta mesma categoría Irea era 6ª, Iago 7º, Yasir 8º, David 19º e Alberto 27º.
Nos Alevíns o noso representante Manuel Dorna despois de marchar durante toda a carreira nos postos de cabeza, o final tería que conformarse co 7º posto.
En Infantís Xoel chegaba a meta no posto 22º, Ero no 26º, Zaida 27ª, Claudia 29ª i Elsa 30ª.
En Cadetes existía unha grande expectación por ver o recentemente proclamado Campión de España Antonio Portela e non defraudou os seus seguidores xa que vencía o trofeo de Esprints Especiais e como non, tamén se facía coa vitória na xeral final o quedar por diante de Angel Diz ( C.C. Spol) nuha apretada chegada que se decantou do lado de Toni no esprint final. Os demais compañeiros de equipo clasificabanse así: Raúl 9º, Adrián Vicente 15º, Cristóbal 31º, Andrés 32º e Pablo 34º.
En Júnior o trofeo marchaba para terras porriñesas da man de Jacobo Ucha co millor rosaleiro no 11º posto de Iván Morais. Alex Lomba era 19º e Kevin Rodríguez 33º.
Mención aparte son as inoportunas avarías mecánicas que sofreron o Cadete Adrián Dorna que xa non poido tomar a saída e o Júnior Manuel González o que unha rotura de cadea lle facía apearse dunha carreia a cal acudía coa idea de loitar pola vitória.
O final das carreiras e como ven sendo habitual os ciclistas, nais, pais e directivos do C.C. O Rosal, reuníamonos na casa do Presidente do club Gerardo Alvarez para dar boa conta duns pinchos e uns refrixérios aportados por tódolos asistentes.
Fotos da carreira.
Galería de Brais Martínez.

domingo, 7 de agosto de 2011

XXV Trofeo Festas do Monte Santa Trega

O vindeiro xoves 11 de agosto a partir das 17:00 horas o Club Ciclista O Rosal coa colaboración da Comisión de Festas, organiza o tradicional XXV Trofeo Festas do Monte Santa Trega no circuito urbano da Sangriña arredor do coléxio e do campo de fútbol co atractivo da que será a primeira participación do rosaleiro Toni Portela no Baixo Miño despois de proclamarse Campión de España.
CONTAMOS COA TUA PRESENZA!!!!!

Ciclismo por partida triple


Esta foi unha fin de semana moi intensa xa que os ciclistas do Club Ciclista O Rosal desprazaronse até tres puntos distintos da xeografía galega.
Comenzaba Iago Alvarez que o sábado pola mañán acudía o III Trofeo Mini BTT Concello de Mos no cal acadaba o 12º posto da categoría Principiantes.
Xa logo pola tarde eran os Cadetes e Junior os que se desprazaban a Cambre donde disputaban o XI Gran Premio dese concello coruñés. En Cadetes o millor clasificado era o recentemente proclamado Campión de España Toni Portela, Adrián Vicente acadaba o 8º posto, Cristóbal Coimbra o 29º mentras que Adrián Dorna non conseguía clasificarse.
En Junior era Alex Lomba o rosaleiro millor clasificado no 13º posto e Iván Morais no19º. En canto a Manuel González un pinchazo impadíalle loitar polos primeiros posto tendo que retirarse e Kevin Rodríguez tamén tería que retirarse.
Os Pódios chegaban no día de hoxe e o primeiro caía da parte do habitual Mario Fernández en Benxamíns que se facía coa vitória no XXVI Trofeo Promoción do Ciclismo de Marín, Yasir Martínez era 7º e Irea Villa 9ª. O segundo Pódio era para Manuel Dorna co terceiro posto da categoría Alevín. En Infantís Xoel Villa era 12º, Ero Sobrino 17º e Zaida González 20ª.
Fotos de Marín.

sábado, 30 de julio de 2011

PREMIO AQUAGEST DE MINIBTT

EnlaceOs irmáns Xoel e Irea Villa foron os representantes do C.C. O Rosal no Premio Aquagest disputado no parque A Granxa do Sexto de Santiago de Compostela donde a pesar dos seus esforzos, acadaron uns discretos resultados.
Irea participaba na categoría Principiantes Feminina na que tiña que conformarse coa 9ª praza da clasificación e pola súa parte Xoel terminaba no 13º posto da categoría Infantíl.
Fotos da carreira

domingo, 24 de julio de 2011

I MINI BTT RIA DE MARÍN

Na mañan de hoxe o C.C. Marín organizaba a sua primeira proba de MiniBTT cunha gran afluencia de participantes e o cual o C.C. O Rosal acudía con catro ciclistas.
Na categoría Principiantes Masculino Iago facíase co 17º posto mentras que en Feminino Irea Villa terminaba 6ª.
Mais tarde en Infantís as irmans Portela facían o 4º posto para Claudia e o 5º para Elsa.
Fotos

sábado, 23 de julio de 2011

XXII G.P. CICLISTA MEIXOEIRO


Vitória para Mario e primeiro pódio para Yasir no XXII G.P. Ciclista Meixoeiro.
Comenzou a competición desta tarde coa categoría Alevín na que o noso representante Manuel Dorna se facía cun estupendo 5º posto.
Seguían os Infantís donde Xoel acadaba o 14º posto, Ero 15º e Zaida 16ª.
Terminaba a competición cos Benxamíns que voltaron a darnos outra alegría e desta vez por partida dobre porque un habitual do "caixón" como é Mario, facíase coa vitória pero a sorpresa viña de parte de Yasir que acadaba o seu primeiro pódio o terminar terceiro. Non menos importante era o 6º posto acadado por David que o fin da proba se mostraba un pouco desilusionado por non poder acompañar os seus compañeiros no pódio pero non ten de que preocuparse xa que coa progresión que está a demostrar, mais cedo que tarde tamén lle chegará a recompensa do pódio.
Fotos

viernes, 22 de julio de 2011

VII TROFEO CLUB CICLISTA CANGAS


Coa resaca do fantástico triunfo de Toni, quedóunos no "tinteiro" o VII Trofeo Club Ciclista Cangas que se disputóu o pasado domingo pero inda estámos a tempo de publicar os resultados que foron éstes.
Só participaban as categorías de escolas que non son outras que as de Benxamín, Alevín e Infantíl.
En Benxamín non oubo pódio e o millor clasificado era Iago que facía 6º, logo serían David 9º, Mario 10º, Irea 14ª e Yasir 18º.
O Alevín Manuel Dorna acababa no 7º posto mentres que en Infantís Ero era 13º, Zaida 25ª e Xoel con problemas físicos non acabou a carreira.
Fotos

lunes, 18 de julio de 2011

Recibimento a Toni no IFEVI de Vigo


Familiares, amigos, compañeiros e directivos do Club Ciclista O Rosal acudíamos nesta madrugada do domingo po luns o IFEVI de Vigo donde agardábamos con impaciencia a chegada do CAMPIÓN DE ESPAÑA que viaxaba no autobús da Federación Galega de Ciclismo. Presentabamonos alí en Cotogrande a unha e media da madrugada tendo que agardar até as 4:30 horas na que o autobús facía a súa entrada no aparcadoiro do IFEVI e de él baixaba un Toni sorprendido polo recibimento que non se agardaba das máis de 30 persoas desprazádas até o lugar.
Despois de que o Presidente Gerardo lle agradecese o éxito acadado, Toni comentábanos como fora o desenrolo da carreira e as experiencias vividas en Zaragoza, para o final poñer rumbo O Rosal na compaña de todos.
FELICIDADES CAMPIÓN.
Fotos

domingo, 17 de julio de 2011

TONI CAMPION DE ESPAÑA

Foto Pariver.com


Na mañan de hoxe Toni Portela proclamouse ¡¡¡¡¡CAMPIÓN DE ESPAÑA CADETE!!!!!.

Este ano Toni non deixa de agasallarnos con triunfos. Comenzaba a tempada co título de Campión de Galicia 2011 de Ciclocross donde o seu compañeiro de equipo Raúl era terceiro, continuaba co 14º posto da mesma especialidade no Campionato de España en Zamora para logo acadar o 3º posto no Campionato de Galicia de BTT con Raúl 4º. Continuaban os éxitos na pasada fin de semana en Marín coa madalla de Bronce no Campionato de Galicia de Fondo para desprazarse o pasado xoves a Caspe (Zaragoza) e no día de onte quedar cuarto no Campionato de España de Contrareloxo para no día de hoxe poñer o broche de Ouro con ésta medalla que o acredita como o CAMPIÓN DE ESPAÑA CADETE 2011.
Sen dúbida o Club Ciclista O Rosal séntese orgulloso de ter na súa plantilla un ciclista das cualidades de Toni que fai que leve o nome do noso Clube e o do Concello de O Rosal xa non só por Galicia adiante, sinón que tamén o resto de España saiba dos seus éxitos.
Moitas felicidades.



sábado, 16 de julio de 2011

Toni Portela 4º no Campionato de España

Toni non deixa de sorprendernos con boas noticias e desta volta foi nos Campionatos de España que se están a celebrar en Caspe (Zaragoza) e non foi doutra maneira que co 4º posto acadado na modalidade de Contra o Reloxo da categoría Cadete a tan só 9 segundos do vencedor da proba que foi Sergio Dominguez da Comunidade Valenciana. O outro representante galego era o rival e compañeiro de Toni, Angel Diz do Spol Novacaixagalicia de Porriño que finalizou no posto 13º.
É sen dúbida un grande resultado para o noso ciclista que mañán domingo disputará a proba de estrada.
Por outro lado as representantes da Selección Galega acadaron o 3º posto e medalla de bronce na categoría Infantíl Feminina por equipos.
Moitas felicidades a tod@s el@s.

domingo, 10 de julio de 2011

Medalla de Bronce no Campionato de Galicia

Celebráronse hoxe os Campionatos de Galicia de Fondo en Carretera en Marín donde Toni Portela se facía coa medalla de Bronce o acabar no 3º posto da categoría Cadete.
Comenzaba a competición coa categoría Cadete na que Cristóbal, Pablo, Adrián Dorna e Adrián Vicente non acababan a carreira o quedar descolgados e ser eliminados polos xuices árbitros. Raúl pola súa parte despois dunha caída acontecida na primeira volta, chegaba nun meritório 11º posto. A vitória era para Alexandre Rodríguez (C.C. Cambre) que chegaba destacado a meta e logo na loita polo segundo posto había un espectacular esprint entre Toni Portela e Angel Diz (C.C. Spol) que o final se decantaba do lado do porriñés que era segundo e Toni terceiro.
En Júnior comenzaba a carreira cun ataque nos primeiros kilómetros por parte de Kevin e Iván na compaña doutros dous ciclistas chegando a obter unha vantaxe de 40 segundos pero cando chegaron as primeiras rampas Kevin era engulido polo pelotón quedando descolgado uns kilómetros máis adiante. O segundo en quedarse atrás era Alex e o terceiro en descolgarse era Iván. Pola súa parte Manuel González a pesar da súa falta de adestramento iba aguantando o tirón do grupo para quedarse atrás a 500 metros do porto de montaña e ainda que na baixada recuperaba algo de tempo, non era quien de contactar co pelotón. O que sí sacaba forzas de donde non as tiña era Alex que conseguía conectar con Manuel e outros dous corredores da Fundación Oscar Pereiro que xuntos fixeron varios kilómetros pero que o final eran baixados da carreira o ser a súa desvantaxe superior os tres minutos coa cabeza da carreira que foi gañada por Jacobo Ucha (C.C. Spol).
Fotos

Por outro lado Claudia i Elsa Portela desprazabanse até Ponteareas donde se disputaba o I Trofeo de Guláns de MinBTT. Claudia remataba 4ª i Elsa 5ª.