I CICLOCROSS CONCELLO DE NIGRAN ZFV-PORTO DO MOLLE

Hoxe pola mañá o Club Ciclista Coruxo organizaba o I CICLOCROSS CONCELLO DE NIGRÁN no Porto do Molle nun circuito cun deseño moi vistoso e duro polas choivas caídas nos días pasados, e ata alí partíamos coa nosa cadete Irene Rodríguez que mediada a mañá tomaba a saída da súa categoría na que partía coma "un foguete" para situarse na cuarta posición, un posto que defendería ata mediada a carreira pero que despois o esforzo realizado lle pasaba factura e ía baixando posicións ata rematar 8ª. "Grande Irene".

FOTOS
 

XXXIV CICLOCROSS CONCELLO DE BOIRO

 

Na mañá de onte día 6 estabamos por terras do Barbanza coa nosa cadete Irene Rodríguez que tomaba parte no XXXIV CICLOCROSS CONCELLO DE BOIRO no que baixo unha intensa choiva tomaba a saída na que baixaba ata posicións traseiras da carreira, para logo según ía avanzando a mesma, ir subindo postos para rematar no 10º.

Por outro lado o seu pai e noso directivo e director deportivo Alberto Rodríguez recibiu unha das camisetas con a que aló polo pasado mes de outubro lle mostrabamos o noso apoio para que se recuperase dos seus problemas de saúde. Esta camiseta foi asinada por parte do C.C. O ROSAL e por moita da xente que formamos a "familia do ciclismo galego". Os nosos compañeiros do Club Ciclista Barbanza tamén se unían a homenaxe e agasallaban a Alberto cun fermoso ramo de flores alén de todas as mostras de cariño ofrecidas. Grazas a tod@s.