XV TROFEO MONTES DO ROSAL

 

Onte voltou a ser un día grande para o ciclismo no Baixo Miño, pois o noso clube organizaba o XV TROFEO MONTES DO ROSAL (no ano que celebra o 40 aniversario da súa fundación), para as categorías  Promesa, Principiante, Alevín, Infantíl, Cadete e Junior, todas elas en masculino e feminino.

O Club Cicista O Rosal corría na casa e isto facíase notar nas inscricións, sumando 25 ciclistas a lista de 233 inscritos para esta proba cun total de 7 podios dos 36 que se poñían en xogo.

Comenzamos coa xincana donde de novo @s nos@s ciclistas voltaban a asinar unha grande actuación comenzando pola categoría Promesa  feminina cun podio totalmente “rosaleiro”, pois o 1º posto era para Lucía González, o segundo para Itzel del Río e o terceiro para Aitana Suárez seguida por Alba Rodríguez 5ª e Zoe del Río 7ª. En masculino Lucas Amaro voltaba o mais alto o acadar o primeiro posto, con Marco Rodríguez no 7º, Simón Amaro no 12ª, e os debutantes Aitor Castro no 18º e Lucas González no 19º.

En Principiantes, a nosa fémina Saray Coimbra voltou a demostrar que este ano vai ser moi difícil facela baixar do podio, e na tarde de onte na Praza do Calvario voltaba a facerse coa vitória, mentras en masculino o seu irmán Diego tentaba de imitala pero tiña que conformarse cunha grande segunda posición, mentras que Mateo Rodríguez facía 4º, Iker González 7º e Tiago Cedeira 14º.

En Alevíns, moi boa carreira do equipo con Roi Alvarez que estivo sempre nas primeiras posicións loitando polo podio, para o final rematar no 4º posto. Un Aitor rodríguez moi combativo remataba no 16º posto e Lucas Alvarez nun grande esforzo acadaba o 22º.

Categoría Infantíl feminina representada por dúas loitadoras como Irene Rodríguez que facía 5ª e Arantxa Gómez 9ª na súa estrea na modalidade de estrada. En masculino o dúo formado por Diego Adrover e Unai Fernández se levaban os postos 8º e 9º respectivamente mentras que o combativo Manuel Domínguez se facía acreedor do 22º posto.

Os encarregados de pechar a nosa representación eran Iker Rodríguez e Miguel Teniente na categoría Cadete. Miguel demostraba a súa mellora e alcanzaba o 29º posto da categoría mentras que Iker que partía entre os favoritos a vitória, plantexaba unha carreira de control os seus riváis rodando sempre nos primeiros postos e vixiante do facer do resto do pelotón. O final nun apretadísimo esprint de cincuenta metros a vitória partía cara Cambre da man de Mauro Amor, o cual non era impedimento para que Iker rematase a carreira cheo se satisfacción o acadar o segundo posto no “caixón” por apenas 50 centímetros. O podio o completaba Gael García (C.C. Compostelano) co terceiro lugar.

O punto final a esta tarde de ciclismo no Rosal a poñia a categoría Junior (sen representación rosaleira) con total de 25 voltas o cicuito para completar 40 kilómetros.  

Despóis de dous anos o ciclismo voltaba a Praza do Calvario cun inmenso traballo de organización por parte do noso clube e fundamentalmente do noso directivo Alberto Rodríguez que foi o encarregado de deseñar e coordinar o estricto Protocolo Covid-19 para que a carreira poidese saír adiante. Grazas tamén os voluntarios e voluntarias que nuha cifra superior os 40, fixeron posible o desenrolo do evento.

Mención especial tamén para Protección Civil de O Rosal que contou tamén coa colaboración dos seus homólogos do Concello de Tomiño; a Policía Local de O Rosal que coordinou o peche de estradas; o Concello de O Rosal representado pola alcaldesa Ánxela Fernández e os concelleiros Germán Fernández e César Paredes, a Comunidade de Montes de Santa Mariña representada polo se directivo Ramón Villa, a Federación Galega de Ciclismo co directivo Óscar Sanchez e os técnicos José Manuel Abalo e Jacobo Ucha, ao Servizo Provincial de Deportes dirixido por Daniel Benavides.

Agradecementos tamén  para un dos nosos patrocinadores principais como é A Rosaleira Conservas Vexetáis que nos facilitou un lote dos seus productos cos que foron agasallados os equipos participantes.  

FOTOS