PODIO DE YASIR MARTINEZ EN PADRÓN

Onte sábado disputábase en Padrón o Trofeo Sponsor organizado polo C.C. Padronés e alí os nosos Benxamíns voltaban a facerse notar principalmente con Yasir que acadaba un excelente 3º posto que lle valía para subir de novo o "caixón" seguido de David Rodríguez no 8º posto, Rubén Carnero que está a demostrar que pouco a pouco vai subindo escalons na clasificación acadaba un óptimo 11º posto, Iago Alvarez no 21º, David Carnero no 22 e Irea Villa no 23º pecharían a participación "rosaleira".
En Alevíns destacar a progresión de Mario Fernández que xa nos primeiros metros da carreira saía como un "foguete" e pasaba a liderar a proba durante a primeira volta para logo ceder terreo os máis veteráns e acabar no 13º posto. Destacamos tamén a progresión de María Correa que se vai adaptando a categoría e finalizaba 29ª.
En Infantís moi boa carreira de Manuel Dorna que aguantou durante oito voltas no grupo de cabeza para logo xa exáusto rematar no 24º posto seguido de Ero Sobrino no 28º, Xoel Villa no 35º, Elsa Portela 37ª e Claudia Portela 39ª.
Remataba a categoría Cadete donde o noso representante Raúl Fernández loitaba en solitário cos riváis de equipos máis numerosos e pagaba os esforzos cun magnífico 6º posto.
A próxima cita será en Téis (Vigo) na rúa Sanjurjo Badía o vindeiro domingo as 10:00 horas para a disputa do 21º G.P. CICLISTA TÉIS-18º MEMORIAL PABLO MEREIRAS para as categorías de Escolas e Cadetes.
Fotos da carreira

FIN DE SEMANA POR TERRAS PORTUGUESAS

Esta fin de semana o equipo Junior do C.C. O Rosal competía en terras portuguesas por partida dobre.
Onte sábado competían no 24º Circuito de Avidos (Vila Nova de Famalicao) cunha boa participación dos nosos ciclistas xa que en todo momento estiveron na cabeza da carreira e o millor clasificado era Alex Lomba co 9º posto seguido de Antonio Portela no12º, Manuel González no 17º e Adrian Dorna que se retiróu e non acabou a carreira.
Xa no día de hoxe competíase no 56º Circuito de Santo Antonio en Amares no distrito de Braga e aquí o millor rosaleiro era Manuel González no posto18º co mesmo tempo do gañador da proba; logo seguiríano Toñi Portela no 25º e Alex Lomba no 26º a 1´02".
A próxima carreira será o vindeiro sabado as 10:00 horas da mañán en Padrón (A Coruña) para as categorías de Benxamíns, Alevíns, Infantís e Cadetes e para os Junior será o Triptico Ruta do Albariño en Cambados o sábado e domingo.
FOTOS DE AVIDOS
FOTOS DE AMARES

CAMPIONATO DE GALICIA CRI EN SOBER (LUGO)

Na tarde de onte partíamos cara a Sober (Lugo) donde se disputaba o Campionato de Galicia de Contrareloxo Individual.
Na categoría Cadete era Raúl Fernández o noso representante que partía como un "raio" marcando un dos millores tempos a metade da carreira pero logo nos derradeiros kilómetros víñase un pouco abaixo e remataba na 11ª posición a 1´36" do vencedor.
Na categoría Junior o primeiro en competir era Adrián Dorna que realizaba unha moi boa actuación rematando 28º a 2´55" do vencedor. segundo en sair era Antonio Portela que marcou o millor tempo intermedio pero o que a última subida que había antes da meta lle pasaba factura e remataba nunha espléndida 8ª posición a tan só 23". Logo sería o turno de Pablo Cividanes que mediada a carreira sofría unha caida que o obrigaba o abandono.Turno para Alex Lomba que nunha carreira moi regular remataba 15º a 1´08". Tocáballe logo a Adrián Vicente que remataba 17º a 2´44". Remataba a participación rosaleira Manuel González que tamén facía unha moi boa carreira para acadar o 10º posto a 38".
Fotos

Podio para TOÑI PORTELA na Praza do Calvario

Tarde que se presentaba perfecta para a practica do ciclismo pero que conforme ían pasando os minutos se iría encapotando o ceo e chegaría a chuvia, o cal non foi impedimento para que este VII TROFEO COMUNIDADE DE MONTES DE SANTA MARIÑA fose un éxito de participantes aínda que a colleita para os nosos representantes foi un tanto pobre xa que se esperaba algo máis dos nosos ciclistas e tan só se conseguiu un podio da man de Antonio Portela que acadou o 3º posto da categoría Júnior.
Comezaron os Benxamíns e a presión facía que os nosos pequenos saísen a pista un tanto nerviosos e salvo Irea Villa que non cometeu ningun erro e finalizou nunha espléndida 5º posición absoluta e primeira en Féminas, o resto de integrantes cometerían algun fallo o que lles impedía subir ao podio e polo tanto Yasir Martínez sería 5º, Iago Alvarez 9º, David Rodríguez 13º, Rubén Carnero 14º, Sergio Vicente 15º, Laura Teniente 19º, David Carnero 21º e Andres Lago 27º.
En Alevíns gran carreira a realizada por Mario Fernandez e María Correa que finalizarían nos postos 14º para Mario e 28º absoluto e 3º en feminas para María.
En Infantiles destacar a grande actuación de Ero Sobrino que finalizaría 10º. Pola súa banda Elsa Portela finalizaba na 31ª posición, a súa irmá Claudia na 32ª, Zaida González na 33ª, Xoel Villa sería 37º e Manuel Dorna 38º.
Xa en Cadetes outra gran carreira a realizada por Raul Fernandez que finalizaba 6º mentres que Cristóbal Coimbra finalizaba 30º.
Finalizaba a xornada coa categoría raíña dos Júnior e Toñi Portela quería agradar ao seu publico e regalábanos ese terceiro posto que se nos antolla un tanto escaso a teor do esforzo realizado. Outro que realizou unha primeira parte de carreira espléndida era Manuel Gonzalez pero co paso das voltas afrouxaba algo e remataría a proba na 12ª posición e o mesmo acontecía con Alex Lomba que se facia coa 13ª. Pola súa banda Adrian Vicente sería 28º, Pablo Cividanes 29º e Adrian Dorna 33º.
Fotos da carreira
Galería de Brais Martínez Villa con 578 fotografías.

VII TROFEO COMUNIDADE DE MONTES DE SANTA MARIÑA

      

                          Saída e Meta na Praza do Calvario  GPS: 41º 56´13" N    8º 50´12" W

O Club Ciclista O Rosal recupera unha tradicional carreira que xa levaba alguns anos sin celebrarse como viña sendo o tradicional Trofeo Comunidade de Montes de Santa Mariña na súa sétima edición e que se vai celebrar o vindeiro sabado 2 de xuño a partir das 17:00 horas.

Comenzarán a competición os Benxamíns cunha ximcana na mesma Praza do Calvario.

O resto das categorías realizarán un percorrido por un circuito de 1,5 kilómetros con saída da Praza do Calvario seguindo pola rúa Simón del Mazo - rúa Campo da Feira - rúa Gandarela - estrada de Sandián - rúa de Xesús Noia e meta na Praza do Calvario.

Voltas por categorías:

ALEVÍN:      3 VOLTAS

INFANTIL:  7 VOLTAS

CADETE:   15 VOLTAS

JUNIOR:    20 VOLTAS

O final das carreiras procederáse a entrega de prémios.

¡¡¡Contamos coa túa presenza xa que é de valde!!!

Pódios para Irea, Iago e Manuel en Carballo

No Trofeo de San Xoan en Carballo (A Coruña) que se disputóu no día de onte voltaron os Pódios e desta volta foi con Iago Alvarez, Irea Villa e Manuel González.
En Benxamíns os participantes tiveron que empregarse a fondo e poñer toda a sua perícia na competición polo escorregadiza que estaba a pista por mor da choiva caída e foi ahí donde os nosos dous representantes saían moi ben parados xa que Iago facíase co 3º posto e Irea co 6º o cual tamén lle valía para subir o "caixón" como primeira Fémina.
En Alevíns era Mário Fernández o que nos representaba e nunha carreira moi disputada acadaba o 12º posto o final da mesma.
En Infantís eran Xoel Villa e Manuel Dorna os "rosaleiros" participantes e a pesares de poñer todo da sua parte a duas voltas do final eran baixados da carreira por mor da diferenza coa cabeza do pelotón.
En Cadetes a nosa representación recaía sobre Cristóbal Coimbra e Raúl Fernández nunha proba que constaba de duas voltas a un circuito de 18  kilómetros para un total de 36, e un Km. despóis do primeiro paso por meta Cristóbal quedaba descolgado do Pelotón i era baixado da carreira mentres que Raúl loitaba ata o final para acadar o 13º posto.
Para finalizar ésta xornada por terras coruñesas os Junior tiñan que dar duas voltas por carreteras da comarca para completar un percorrido de 76 Km. A mala sorte cebábase en Adrián Dorna que cando marchaba en postos de cabeza sofría un pinchazo e quedaba descolgado da cabeza o que o obrigaba a retirarse. Outro que tamén se retiraba era Adrián Vicente por problemas físicos o mesmo que Pablo Cividanes. Cando finalizaba a carreira Manuel González cruzaba a liña de meta na 7ª posición, Alex Lomba na 17ª mentres que Toñi Portela remataba 20º.
Nesta proba de Júnior Manu González facíase co Prémio da Montaña, trofoeo que recollia Alex, xa que Manuel non podía esperar a entrega de prémios.
Fotos da carreira

TAÇA DE PORTUGAL EN FAFE

Como xa comentabamos na anterior entrada os nosos ciclistas de categoría Cadete e Júnior desprazaronse no día de onte a localidade Lusa de Fafe para disputar unha das probas da Taça de Portugal e visto que estamos a comenzo da tempada os resultados acadados podense  considerar como bastante bos e foron éstes:
En Cadetes Raúl Fernández terminaba 34º a 57" do vencedor e en Junior Manu González acababa 18º a tan só 19" do vencedor, Toñi Portela terminaba 51º a 66" e Alex Lomba 55º a 73".
Na modalidade de MiniBTT tres dos nosos integrantes acudían a Vigo a disputar o III MiniBTT MONTES DE CORUXO e en categoría Principiantes Iago Alvarez acadaba o 9º posto mentras que en Infantís Femininas as irmans Portela terminaban co 4º posto para Claudia e o 5º para Elsa.

PRIMEIRA VITÓRIA DE DAVID RODRÍGUEZ

O Benxamín David Rodríguez estreouse no mais alto do “caixón” o acadar unha merecida vitória no XXI Trofeo Pista das Faias que organizou o Club Ciclista O Rosal.

Comenzaban os Benxamíns donde o C.C. O Rosal acudía cun grande equipo xa que competían “na casa” e había que deixar o pabellón ben alto e diso encargaríase David foi o máis rápido dos 38 participantes.

En canto os seus compañeiros a ánsia por acadar un posto no Pódio, fixo que cometeran algún que outro erro

e o seguinte millor clasificado era Yasir Martínez no 6º, Sergio Vicente 11º, Alberto García 12º, Irea Villa 13ª, Rubén Carnero 19º, Laura Teniente 20ª e David Carnero 25º.
En Alevíns Mario Fernández sería 18º e María Correa 24ª.

En canto os Infantís tanto Xoel Villa como Manuel Dorna e Zaida González perdían volta con respecto da cabeza de carreira e eran baixados da mesma polos xuíces árbitros.

Por outro lado o Cadete Raúl Fernández e os Júniors Alex Lomba, Manuel González e Antonio Portela acudían a I CRONOESCALADA MONTES DE CORUXO e foi imposible que obtivesen uns resultados millores xa que Raúl era primeiro en Cadetes o mesmo que o júnior Manuel que tamén era primeiro seguido por Toñi que era segundo e Alex que completaba o "pleno" rosaleiro co terceiro posto do Pódio.
 Aquí deixamos un articulo publicado por PERSONXXI

Si tuviesemos que resaltar la actuación de alguno de los clubes, sería sin duda "O Rosal". Manuel González, Antonio Portela y Alejandro Lomba acapararon el podio de la categoría Junior. Tuvimos la oportunidad de hablar con ellos y de saber que su especialidad es la bicicleta de carretera pero, es evidente, que tienen también futuro en montaña. Sin embargo, Alejandro si es un especialista en la modalidad de BTT y destaca por ser el líder del Open Gallego de Mountain Bike.

Además de este triplete, también destacamos la tercera posición de su compañero Raúl Fernández en cadetes, completando una gran actuación para los suyos.

No día de mañán éstes mesmos corredores vanse desprazar a localidade lusa de Fafe donde van disputar unha proba puntuable para a Taça de Portugal.

Fotos das Faias.

XXI TOFEO PISTA DE AS FAIAS (O ROSAL)

O vindeiro sabado día 19 o CLUB CICLISTA O ROSAL vai organizar o XXI TOFEO PISTA DE AS FAIAS no circuito do mesmo nome en Tabagón.
A hora de comenzo será as 17:00 e competirán as categorías de Benxamíns, Alevíns e Infantís.

Cuadruple desprazamento no sabado

Onte sabado os integrantes do Club Ciclista O Rosal repartíronse por varios puntos da xeografía galega.
Os primeiros en competir eran os Júnior que acudían a Rois (A Coruña) donde se disputaba o TROFEO SAN ISIDRO no que Manuel González acababa na 9ª posición mentras que os seus compañeiros Adrián Dorna e Pablo Cividanes eran descalificados o quedar descolgados da cabeza da carreira.
Xa pola tarde no XXV Trofeo Promoción do Ciclismo en Boiro (A Coruña) o Benxamín Iago Alvarez terminaba 9º, o Alevín Mario Fernández era 11º e o seu irmán o Cadete Raúl Fernández facíase co 9º posto.
Tamén pola tarde o Junior Alex Lomba competía no V Trofeo BTT Concello de Gondomar para subir o Pódio no segundo posto o que lle fai conservar o liderato no Open de BTT.
Mentres que todo isto acontecía, o resto da plantilla divertíase bastante mais perto, concretamente na Praza do Calvario de O Rosal donde se daba a saída e chegada da Popular Marcha da Festa da Bicicleta organizada pola Deputación de Pontevedra na que colaboraba o Concello de O Rosal e o Club Ciclista O Rosal.  

XXIV TROFEO CONCELLO DE SANTIAGO

Na mañán de onte domingo disputóuse o XXIV Trofeo Concello de Santiago e alí acudía o C.C. O Rosal cos seus ciclistas cos seguintes resultados:

En Benxamíns David Rodríguez clasificabase no 14º posto mentres que o seu compañeiro Andrés Lago era 44º.

En Alevíns Mario Fernández era 9º e María Correa 43ª.

Manuel Dorna era o millor Infantil no posto 28 mentres que Claudia Portela era 37ª, Elsa Portela 38ª i Ero Sobrino 44º.

Pechaban a competición os Cadetes con Raúl Fernández no posto 11º e Cristóbal Coimbra no 18º.

Fotos de José Carlos Fernández.

Galería de Manolo Coimbra.

DOBRE SAÍDA PARA O EQUIPO JUNIOR

Esta fin de semana os integrantes do equipo Júnior do Club Ciclista o Rosal tiñan doble tarea, onte sábado en Teo e hoxe en Braga.
No día de onte disputábase o 3º Cicuito Teense e o millor clasificado era Manuel González no posto 9º seguido de Toñi Portela no 14º e Alex Lomba no15º. Osdemais integrantes da expedición non acabaron a carreira.
Xa na mañán de hoxe collian ruta hacia Palmeira en Braga (Portugal) para a disputa do 10º Circuito de Palmeira - Prémio Peixoto Alves donde Manu González voltaba a ser o millor clasificado no 14º posto con Toñi Portela no 15º, Alex Lomba no 24º e Pablo Cividanes no38º.

Trofeo Vila do Louro (Porriño)

Na mañán de hoxe daba comenzo a tempada de Escolas do Calendario Galego coa disputa do Trofeo Vila do Louro en Porriño donde o noso Clube poñía un grande interese por ver as evolucións das novas incorporacións e que por certo eran moi positivas.
Como é habitual comenzaba a competición coa categoría de Benxamíns donde debutaban cinco dos compoñentes do equipo. A Millor clasificada era Irea Villa cun espléndido 6º posto a que seguirían Yasir Martínez 10º, Iago Alvarez 12º, David Rodríguez 14º, Laura Teniente 22ª, Sergio Vicente 23º, Rubén Carnero 25º, Alberto García 32º, David Carnero 38º e Andrés Lago 53º.
Na categoría Alevín representábanos a debutante María Correa que nos sorprendía cunha fantástica carreira pero na anteúltima curva para a chegada a Meta, escorregáballe a roda dianteira no asfalto mollado pola choiva e batía co seu corpo no chan pero demostrando a súa valentía e a pesares das feridas saltaba outra vez enriba da bicicleta para cruzar a liña de Meta na 35ª posición.
Pechaba a competición a categoría Infantíl donde millor era Ero Sobrino no posto 25º, Manuel Dorna 26º, Xoel Villa 28º, Zaida González 34ª, Claudia Portela 37ª ei Elsa Portela 38ª éstas dúas últimas con caída incluida.
A vindeira carreira será na Capital de Galicia coa disputa do 24º Trofeo Concello de Santiago a partir das 10:30 da mañán para Escolas e Cadetes mentres que os Júnior acudirán a Calo para a disputa do 3º Circuito Teense o sábado as 18:15.
Fotos de Porriño

Alex Lomba líder do Open de BTT

Facemos un resumo da semana de competición do equipo Júnior e comenzamos no pasado 25 de abril que foi festivo en Portugal e os nosos aproveitaron a ocasión para desprazarse até Roriz (Barcelos) donde se disputaba o 10º Prémio ACR Roriz e Manuel González era o millor clasificado co 5º posto, , o seguinte era Alex Lomba no 9º, Antonio Portela 19º e Adrian Vicente que non acabou a carreira. Éstes resultados fixeron que tamén acadaran o 2º posto por equipos.

Xa no sábado 28 Alex e Toni desprazábanse ate Poio donde participaban no BTT CONCELLO DE POIO XC con Alex que finalizaba terceiro e Toñi  4º. Con éste resultado Alex sobe o máis alto da Clasificación Xeral e aquí o vemos nesta duas fotos exibindo o Maillot que o acredita como Líder.

Presentación do Club Ciclista O Rosal

Na tarde do sábado facía a súa presentación a plantilla do Club Ciclista O Rosal no Auditório Municipal de O Rosal. Foi un acto moi sinxelo donde os protagonistas eran os ciclistas que de un en un iban subindo o escenario para recibir os aplausos do numeroso público asistente.

Foron presentadas tamén as derradeiras incorporacións como son os irmáns David e Rubén Carnero, Laura Teniente e Sergio Vicente na categoría Benxamín e María Correa e Marcos Fernández na categoría Alevín.

Raúl Fernández, Antonio Portela e Manuel González foron premiados pola Directiva do Club polos éxitos acadados na derradeira tempada e recibiron unha placa conmemorativa do acto.

O estar no escenario, foinos imposible ralizar fotos da cerimonia pero alí estaban os nosos compañeiros de Infomiño e Noticias O Rosal os que lles agradecemos a súa asistencia.

Galeria de Infomiño

             Club Ciclista O Rosal

 PLANTILLA CORREDORES 2012

            Junior

Adrián	Dorna Rodríguez
Adrián	Vicente Martínez
Alejandro	Lomba Rodríguez
Antonio	Portela Rodríguez
Iván	Morais Bouzas
Kevin	Rodríguez Santísima Trinidad
Manuel	González Lomba
Pablo	Cividanes Durán

                    

                        Cadete

Andrés	Fernández Da Silva
Cristóbal	Coimbra Piñeiro
Raúl	Fernández Lorenzo

                    

                        Infantil

Claudia	Portela Rodríguez
Elsa	Portela Rodríguez
Ero	Sobrino Dorado
Manuel	Dorna Rodríguez
Xoel	Villa Rodríguez
Zaida	González Martínez

                     

                       Alevin

María	Correa Rubio
Marcos	Fernández Pérez
Mario	Fernández Lorenzo

                 

                   Principiante

Alberto	García García
Andrés	Lago Alonso
David	Carnero Taveira
David	Rodríguez Alvarez
Iago	Álvarez Lomba
Irea	Villa Rodríguez
Laura	Teniente Pena
Rubén	Carnero Taveira
Sergio	Vicente Fernández
Yasir	Martínez Silva

PRESENTACIÓN DO CLUB CICLISTA O ROSAL 2012

Este vindeiro sábado as 20:00 horas vaise celebrar a ceremónia de presentación do CLUB CICLISTA O ROSAL 2012.
Por este motivo a Directiva do Clube quere convidar a tódolos socios, simpatizantes e publico en xeral a que acudan a este acto no Auditório Municipal de O Rosal.
Contamos coa vosa presenza.

Memorial Chely Alvarez en Bembibre (León)

No día de onte desprazabámonos até Bembibre na provincia de León donde catro dos nosos ciclistas do equipo Júnior disputaban o Memorial Chely Alvarez sobre unha distancia de 89 kilómetros.
Era ésta a primeira carreira da tempada 2012 a dónde os nosos ciclistas acudían para ir entrando en contacto coa competición e ir collendo o estado de forma óptimo. Destacaba ésta proba polo seu percorrido con contínuos "sube e baixa" a portos de montaña o que a facía unha autentica "rompe pernas".
Dábase a saída na Plaza Mayor de Bembibre con dous kilómetros de percorrido urbano polas estreitas rúas da localidade para logo sair polas estradas da comarca e no Km.9 Pablo Cividanes con problemas descolgábase do pèlotón para retirarse no seguinte paso por Bembibre. Dende ahí collíase ruta cara a Meta Volante situada na localidade de Noceda a unha altitude por enriba dos 800 metros e de novo paso por Bembibre para logo ir subindo vários portos de montaña para encarar o Prémio da Montaña situado a unha altitude preto dos 900 metros con Alex, Manu e Toñi sempre nas primeiras posicións do pelotón e dende ahí comenzar o descenso pola localidade de Torre del Bierzo cara a meta en Bembibre que remataba nuhna subida que no derradeiro kilómetro superaba o 15% de desnivel a donde os nosos ciclistas chegaban con Manu no 17º posto, Toñi no 21º e Alex no 26º. Sen dúbida unha posta en marcha moi positiva xa que sempre estiveron ahí dando a cara e finalizando en postos altos entre 130 participantes.
Fotos do Protocolo de Asinaturas.

Recoñecemento a Antonio Portela e o Club Ciclista O Rosal

O Club Ciclista O Rosal e o seu ciclista Antonio Portela foron premiados na Gala Provincial do Deporte en recoñecemento polos éxitos acadados no ano 2011 nun acto que se celebróu o pasado venres no Auditório de Vilagarcía.
Toñi Portela foi nominado a Deportista Revelación do Ano 2011 donde competía co futbolista Hugo Mallo do Real Club Celta de Vigo e con Pablo Cacheda do Academia Octavio de Balonmán, levándose o prémio o xogador do Celta.
En canto o C.C. O Rosal levóuse o Prémio como nominado a Millor Club 2011, prémio que recollía o Presidente Gerardo Alvarez.
Queremos destacar que tanto Toñi como o C.C.O Rosal eran os únicos representantes de ciclismo o que quere decir moito a favor do noso Club e dos nosos ciclistas.
Sen dúbida que éstes recoñecementos nos farán seguir loitando por millorar e ampilar éstes éxitos que son un orgullo para tódolos rosaleiros e rosaleiras.
Fotos da Gala

ASAMBLEA XERAL ORDINARIA

ASEMBLEA XERAL ORDINARIA DO

CLUB CICLISTA O ROSAL

Sres.Sras. Socios/as

Pola presente quedan Vdes. convocados/as  á reunión da Asemblea Xeral Ordinaria que se celebrará o domingo 22 de abril de 2012 ás 11:00 horas en primeira convocatoria, e ás 11:30 en segunda, no local social do CLUB situado nos baixos da Gardería Municipal de Pías, co seguinte

ORDE DO DÍA:

1.     Lectura e aprobación, se procede, da acta da sesión anterior.

2.     Estado de contas. Balance-liquidación da tempada 2011.

3.     Proxectos e presupostos para o ano 2012.

4.     Informe do Presidente: Memoria de actividades da tempada 2011.

5.     Rogos e preguntas.

O Rosal, a 01 de  abril de 2012

O Presidente

                                          Asdo:. Gerardo  Álvarez Martínez

RESUMO DA DERRADEIRA TEMPADA

A piques de comenzar a nova tempada queremos facer un resumo dos éxitos máis destacados da derradeira tempada de Carretera, Ciclocróss e BTT donde se acadaron triunfos e títulos con eco autonómico e nacional e tamén como non no veciño Portugal donde a pesares de non participar en tódalas probas da Taça de Portugal, tamén se acadaron importantes resultados.

En total acadaronse nas diferentes modalidades e categorías éstes pódios.

1º Posto.........31

2º Posto.........17

3º Posto........ 21

RESULTADOS MÁIS DESTACADOS

Antonio Portela         Campión de España en Carretera Cadete

Antonio Portela         4º posto no Campionato de España Contrarreloxo  Carretera Cadete

Antonio Portela         Medalla de Bronce no Campionato de Galicia en Carretera Cadete

Antonio Portela         Campión de Galicia Contrarreloxo Cadete

Antonio Portela         Subcampión Galego Ciclocross Júnior

Antonio Portela         11º no Campionato de España de Ciclocróss Júnior

Antonio Portela         Medalla de Bronce Campionato de Galicia de BTT Cadete

Antonio Portela         5º na Taça de Portugal de Ciclocróss Júnior

Raúl Fernández         Campión Galego Ciclocróss Cadete

Raúl Fernández         Medalla de Bronce no Campionato de España de Ciclocróss  Relevos

Raúl Fernández         6º no Campionato de España de Ciclocróss Cadete

Raúl Fernández         4º no Campionato de Galicia de BTT Cadete

Raúl Fernández         4º na Taça de Portugal de Ciclocróss Cadete

Manuel González      Campión Galego Ciclocross Júnior

Manuel González      Medalla de Bronce no Campionato de España de Ciclocróss  Relevos

Manuel González      4º no Campionato de España de Ciclocróss Júnior

Manuel González      Medalla de Bronce na Taça de Portugal de Ciclocróss Júnior 

Andrés Fernández     Medalla de Prata na Taça de Portugal de Ciclocróss Cadete

Cristóbal Coimbra     36º no Campionato de España de Ciclocróss Cadete

Cristóbal Coimbra      9º na Taça de Portugal de Ciclocróss Cadete

Alejandro Lomba       7º na Taça de Portugal de Ciclocróss Júnior

Mario Fernández       Campión do Calendario Galego Benxamín